Música Avilés celebra’l Xacobéu con un recital nel órganu sinfónicu de la Ilesia de Santu Tomás de Canterbury by asturnet 29 d'ochobre, 2010 written by asturnet 29 d'ochobre, 2010 134 La ilesia de Santu Tomás de Canterbury, asitiada nel avilesín barriu de Sabugo, va acoyer el próximu vienres el terceru de los conciertos de música relixosa programaos pola Conseyería de Cultura y Turismu nos templos asturianos que cunten con órganos. Dichu conciertu enmárcase nes actividaes diseñaes pol Gobiernu del Principáu por cuenta de la celebración del Añu Xacobéu 2010. El conciertu avilesín va correr al cargu de la organista xaponesa Izum Kando, que va interpretar siete pieces, ente elles dos de Manuel de Falla y de Johann Sebastian Bach. Según declaró’l Director Xeneral de Turismu y Patrimoniu Cultural del Principáu, José Luis Vega, mientres la presentación del conciertu, esti tipu de recitales constitúin una bona oportunidá pa promocionar la ruta xacobea al so pasu pel Principáu y dar a conocer l’importante llabor de restauración y caltenimientu de los órganos qu’hai n’Asturies. El ciclu empezó’l pasáu mes de xunetu na Ilesia de La Corte d’Uviéu. La ilesia de Santu Tomás de Canterbury construyóse ente 1895 y 1903, sustituyendo nes funciones parroquiales al vieyu templu románicu. Ye un edificiu monumental de notables dimensiones, exentu, asitiáu nel centru d’una plaza y con una perspectiva privilexada dende la cai La Cámara. Tien planta cruciforme, con triple nave na exa mayor y una sola nel transeptu, tramu previu al ábside poligonal y dos tales sacristíes más baxes flanqueándolu. L’arquiteutu Luis Bellido González foi l’autor de proyectu de construcción d’esti edificiu relixosu, de los más destacaos de los entamos del sieglu XX asturianu. 0 FacebookTwitterPinterestEmail Anterior Republicastur 2010 acueye un alderique de BNG, UNA, Na-Bai ya Izquierda Castellana siguiente Montserrta Garnacho faise col Premiu María Josefa Canellada Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón