Uviéu pon en marcha una nueva Aula infantil de Sofitu Escolar y Familiar enTrubia

La concejala d’Atención a les Persones ya Igualdá, Marisa Ponga inauguró esti día una nueva aula infantil de Sofitu Escolar y Familiar, allugada nel centru social de Trubia.

Esti equipamientu forma parte d’un conveniu de collaboración suscritu ente Cruz Roja Española y el Conceyu d’Uviéu pal desenvolvimientu de dos proyectos: Xestión de la Casa d’Acoyida pa muyeres víctimes del maltratu y Aules infantiles de sofitu familiar y escolar. La subvención municipal xube, esti exerciciu, a 125.000 euros (59.540 pa la xestión de la Casa d’Acoyida y 65.459 p’Aules infantiles de sofitu familiar y escolar, lo que supon una medría de 24.046 euros en relación a la subvención de 2015, cifrada en 100.953,58 euros (59.540 pa la Casa d’Acoyida y 41.412p’Aules infantiles de sofitu familiar y escolar), pola implantación d’esti nuevu equipamientu en Trubia.

El Proyectu d’Aules Infantiles de Sofitu Escolar y Familiar ta dirixíu a neños de 4 a 12 años, atendiendo, mientres l’añu 2015, a 72 unidaes familiares al traviés de dichu proxecto. No que cinca a la Casa d’Acoyida, demientres 2015, atendiéronse 200 persones víctimes de violencia de xéneru.