La plaza la Catedral d’Uviéu allugará dos pistes de xelu estes navidaes

La Xunta de gobiernu de la SOF aprobó esta selmana la  instalación, del próximu día 20 de noviembre al 6 de xineru de dos pistes de xelu na Plaza la Catedral. Los gastos van correr íntegramente al cargu de la empresa axudicataria, Proasur.

La Xunta de Gobiernu de la Sociedá Uvieina de Festexos (SOF) aprobó esta selmana, colos votos a favor de los grupos del equipu de gobiernu (PSOE, Somos ya Izquierda Xunida, y l’astención del Partíu Popular y de Ciudadanos, la instalación de dos pistes de patinaxe sobre xelu, una p’adultos y otra pa neños, na plaza de la Catedral. L’axudicataria foi la empresa Proasur, que va ser la encargada del montaxe y va correr de manera íntegra colos gastos del mesmu, de forma que nun va repercutir nes arques de la SOF.

Les pistes van instalase, del 20 de payares al 6 de xineru, y el preciu de les entraes va ser de 1,25 euros pa neños y 2,15 p’adultos, con una duración de 15 minutos en dos talos casos. L’arriendu de los patinos va tener un preciu unitariu de 0,99 euros y van tener un descuentu del 12,5% sobre’l preciu de les localidaes los socios de la SOF, los paraos qu’acrediten tar en paru y les persones con dalgún tipu de discapacidá.