La suspensión de la Lomce entama nel Congresu

El plenu del Congresu decidió esti martes tramitar una propuesta lexislativa del grupu socialista pa “suspender” el calendariu d’implantación de la Lomce, lo qu’afectaría a les nueves evaluaciones finales d’ESO y Bachilleratu, yá que van empezar a realizase esti cursu.

La iniciativa tamién pide la paralización de les normes de desenvolvimientu de la Lomce qu’entá nun tuvieren vixencia o aplicación efectiva, como ye’l casu del real decretu que regula eses pruebes.

Amás, el Gobiernu va unviar a les Cortes Xenerales un proyectu de llei básica d’educación que suponga la derogación” de la Lomce, tres un procesu de “negociación y diálogu” coles autonomíes, la comunidá educativa y les fuerces polítiques. Según argumenta’l PSOE, la Lomce ye “una contrarreforma segregadora y intervencionista qu’ataca directamente a la igualdá d’oportunidaes y recula na equidad y na calidá de la educación”.

El Congresu tomó en considerancia esta proposición de llei del PSOE, col votu en contra namái que del PP y darréu entama la tramitación ordinaria como proyectu lexislativu, con presentación, alderique y votación d’enmiendes parciales na Comisión d’Educación.