Unes escultures sexuales en plena cai impulsaes pola Generalitat valenciana

Escultures metáliques de reminiscencia griega con escenes sexuales bien detallaes, del artista alcoyano Antoni Miró, anubren la Marina de Valencia ensin escapar de l polémica y del alderique ente los qu’eponderen la esposición por tratar el sexu con naturalidá y los que la consideren abondo esplícita pa un espaciu públicu.

Una filera de más d’una docena planches metáliques de gran tamañu remembra dende la fin de selmana pasada l’arte griegu con volumes nos que s’estremen penes, xenitales femeninos y pechos y que representen escenes en plena masturbación, a puntu de realizar una penetración, xuna felación o practicar sexu añal.

Tratase de la esposición impulsada por Presidencia de la Generalitat y la Conselleria de Cultura cola que se va a inaugurar “La base”, el nuevu espaciu creativu y cultural qu’antes ocupaba la see del equipu suizu de la Copa del América de vela. Esti centru va acoyer llueu xuna amuesa nel so interior con una revisión de delles grandes series del artista alcoyano, que se completa coles escultures nel esterior.

Pasiando per delantre de les planches, valencianos y turistes que pasaben esti llunes pela zona afayaron l’amuesa y dalgunos criticaron que ye demasiao esplícita y tendría de tar nun sitiu onde nun pasen tantos neños y, otros, encantaos, defendieron que ye a cencielles arte y representa la naturaleza y el cuerpu humanu.

Fernando Castro, el comisariu de la esposición de les escultures d’Antoni Miró que xeneró discutiniu pol so conteníu sexual, amosó la so sorpresa pol discutiniu y sostuvo que “paez qu’esmolez más l’erotismu” que la corrupción o’l terrorismu.