Portada Plástiques Una exposición llévate “A bordu colos pescadores asturianos”

Una exposición llévate “A bordu colos pescadores asturianos”

by redacción asturnews

Dende mayu a avientu “A bordu colos pescadores asturianos”, na Sala d’Esposiciones de l’Antigua Rula, ufrirá una experiencia amañosa pa conocer la pesca.

La esposición ta producida pol Muséu Marítimu d’Asturies y tien una característica excepcional: trátase d’un reportaxe fotográficu de los distintos sistemes de pesca que se practiquen anguaño n’Asturies, realizáu a bordu de les respectives embarcaciones. El fotógrafu compartió los mesmos avatares de los pescadores nel desenvolvimientu de la so actividá normal y cotidiano, ya fora branu o iviernu, de día o de nueche.

Manuel Ferreira, autor de la serie fotográfica, saleó en nada menos que en 44 barcos asturianos con un total de 80 embarques, dende los puertos del Oriente al Occidente asturianu, pa tomar instantánees de les distintes xeres. La resultancia ye esti testimoniu, nel que podemos apreciar, dende la placidez hasta la hostilidá qu’esa  mar manifiesta. La pesca a la cacea, al palangre, al pinchu, o les artes de enmare como’l tascu, el miño, la volanta, o’l cercu dan pasu a la captura d’angula, el marisquéu, l’arranque de percebes, la estracción d’ocla, ect…

La esposición de fotografíes complementase con dalgunos de los apareyos, artes ya instrumentos que s’empleguen neses xeres. Y xuntu con ellos, dellos preseos de saléu, que faen que’l saléu sía más segura y les captures mayores.

Tamién te podria gustar