Trescorrales acueye hasta’l 18 de mayu la esposición fotográfica “Misión: Afganistán”

Trescorrales acueye hasta’l 18 de mayu la esposición fotográfica “Misión: Afganistán”, nuna amuesa na que puede visualizase un conxuntu de ventisiete imaxes y trés infografías escoyíes del llibru del mesmu títulu editáu pola Subdireición Xeneral de Publicaciones y Patrimoniu Cultural, nel  añu 2012.

Esa publicación, “Misión: Afganistán”, reflexa’l llabor que les tropes españoles realizaron nesti país dende la so llegada nel añu 2002 hasta la so publicación, nel añu 2012. Ta realizáu sobro’l terrén y gracies a los testimonios de los militares, describiendo con detalle la organización y el funcionamientu del esplegue español, lo qu’ayuda a entender meyor l’esfuerzu y el sacrificiu de los venti mil homes y muyeres que pasaron per Afganistán, de los cualos un centenar perdieron la vida. Les fotografíes fueron realizaes por distintos profesionales y por dalgunos de los participantes na misión y al traviés d’elles averamos a los miembros del Exércitu y al so llabor cotidianu.

A la cita allegaron al Presidente del Principáu, Adrián Barbón; la Delegada de Gobiernu, Delia Llosa; el Delegáu de Defensa, el coronel Juan Luis González y otres autoridaes de les Fuerces Armaes