Tornen al Teatru Palacio Valdés les XXVI Xornaes de Teatru Escolar

Tres un 2020 de impás, por causa de la pandemia del COVID-19, torna a Avilés una de les actividaes de mayor tradición na promoción de les artes escéniques, les Xornaes de Teatru Escolar, que cumplen el so XXVI edición, en celebrando nel 2019 la XXV.

Van ser cuatro sesiones, al cargu de los grupos de teatru de los IES Carreño Miranda y La Madalena, que van tener llugar esta selmana, entamando esti llunes 21 y siguiendo el 22, 23 y 24 de xunu, siempre a les 19.15 hores.

Les entraes, gratuites, tan a disposición del públicu y les families, na taquilla de la Casa de Cultura. Para retirales, en cumplimientu de los protocolos COVID, va ser necesariu indicar los datos personales de los asistentes.

Vuelve la escena protagonizada polos intérpretes más nuevos, los y les estudiantes de los Institutos d’Enseñanza Secundaria, con toles dificultaes añedíes por causa de la pandemia, qu’amenorgó’l númberu grupos de teatru participantes, a los dos d’esta edición: el IES Carreño Miranda, que va presentar “Imprevistu improvistu”, y el IES La Madalena, con “¡Vaya cuadru!”.

Al amenorgase l’aforu, van poner en marcha dos funciones de cada obra. Dende la conceyalía de Cultura d’Avilés estimen l’esfuerzu de docentes y estudiantes de dambos centros educativos para poder participar y retomar asina l’actividá.

Más información