Portada Lliteratura Convócase’l Premiu de Novela Curtia Andrés Solar

Convócase’l Premiu de Novela Curtia Andrés Solar

by redacción asturnews

La Conceyalía de Cultura de Xixón, nel so enfotu por favorecer y promover la creación lliteraria n’asturianu, al tiempu facer alcordanza de la figura del escritor xixonés y la so querencia pola llingua de nueso y pola so normalización social, convoca la primer edición del Premiu de Novela Curtia Andrés Solar Santurio.

La presentación d’esta nueva convocatoria pa facer alitar la narrrativa n’asturianu dende Xixón fízose esti sábadu 19 de xunu na Escuela de Comerciu, coincidiendo cola celebración de la Feria del Llibru de Xixón.

Les obres habrán tener una estensión mínima de 90 páxines y una estensión máxima de 150 páxines. El plazu de presentación d’orixinales entama al día siguiente de la publicación d’estes bases nel BOPA y remata’l 26 de setiembre de 2021, Día européu de les llingües.

 

Tamién te podria gustar