Portada Turismu El programa del branu 2021 en Xixón ya s’alcuentra asoleyáu

El programa del branu 2021 en Xixón ya s’alcuentra asoleyáu

by redacción asturnews

Tol branu de Xixón ta yá na to mano. Ana González, Alcaldesa de Xixón, y Lara Martínez, Xerente de Divertia, presentaron esti llunes, 21 de xunu, el programa d’actividaes que se van celebrar na ciudá mientres xunetu, agostu y setiembre de 2021.

Son 68 páxines qu’axunten les principales programaciones desenvueltes dende les distintes árees municipales, pero tamién dende otres empreses o instituciones. Son 150 mil exemplares, a color y en formatu A5, que yá empezaron a buzonearse esa mañana en 125 mil cases de la ciudá y que van tar distribuyíos antes del 1 de xunetu. El restu, 25 mil exemplares, van partir en centros municipales, oficines de Turismu, espacios culturales y hoteles de la ciudá.

DESCÁRGATE EQUÍ EL PROGRAMA D’ACTIVIDAES PAL BRANU 2021 EN XIXÓN

El programa, coordináu y editáu por Divertia, inclúi información de:

Museos y esposiciones (Fundación Municipal de Cultura y Universidá Popular)
Teatro Xovellanos
Área de Festejo
Jardín Botánicu Atlánticu Deportes
(Patronatu Deportivu Municipal)
Eventos gastronómicos (Como Xixón Sabe a Mar y Xixón Guapu)
Festivales (Metrópoli, Selmana Negra, Comic Con, Tsunami Xixón, Ye-yé, L.Y.V, Oi Xixón, Comet Con, etc)
Llaboral Ciudá de la CulturaCámara de Comerciu de Xixón (FIDMA y AGROPEC)
Mercaos

Tamién te podria gustar