The Cross Border presenta nel Xovellanos “Fiesta, Fiesta, Fiesta”

La vallisoletana Lucía Miranda, y la so compañía, The Cross Border Projet averen esti domingu 27 d’ochobre a les 21 hores, hasta’l Teatru Xovellanos de Xixón “Fiesta, Fiesta, Fiesta” una obra que cunta la hestoria de los siete magníficos, un grupu de Compensatoria d’adolescentes de 3º de la ESO d’un institutu públicu español.

L’oxetivu del so profesor, ye realizar un trabayu por proyectu sobro les fiestes. Fiestes tradicionales que los ayudaran a conocer la diversidá d’oríxenes qu’hai na aula: Nate (d’orixe español-guineanu) Kamila d’orixe ecuatorianu, Farah y Mustafá d’orixe marroquín, Hugo d’orixe español, Ionut d’orixe rumanu y Xirou d’orixe chinu.

Los conflictos van asocediéndose y los relatos de distintos profesores y personal non docente entemecense colos testimonios de les madres de los mozos. Temes interxeneracionales ente padres y fíos, cómo esplicar la colonización española y los mesmos mieos y suaños adolescentes van apaeciendo empuestos por Alma, l’ama del cuartón, la conserxe, que nos lleva de la mano pola realidá d’esti institutu.

El gran valor de Fiesta, Fiesta, Fiesta ye que ye una obra que da voz a realidaes verídiques y que nos convida a cavilgar sobro la identidá d’una nueva Europa y de les sos aules de mano de los sos protagonistes.

Intérpretes

Anahí Beholi
Huichi Chiu
Miriam Montilla
Ángel Perabá
Efraín Rodríguez

Domingu 27 d’ochobre, 19.30h – TEATRU