San Xuan celebrase en toa Asturies con Xixón y Mieres como exes

Mieres y Xixón van ser les dos exes de la celebración de San Xuan que s’esparde per tola xeografía asturiana afitando la celebración de la tradicional nueche máxica cola que se recibe al branu n’asrturiana y en munches otres cultures del mundu.

Xixón va celebrar la nueche más máxica del añu na tarde y nueche d’esti vienres 23 y nes primeres hores de la madrugada del sábadu 24. El puntu principal de celebración va ser Poniente, onde los puntos fuertes van ser la quema de la foguera y el llanzamientu de fueos artificiales.

Per tol conceyu va haber enramáu d’once fontes y actuaciones d música y baille tradicional. Los más madrugadores n’empecipiar van ser los vecinos de Deva, a les 19 hores, onde la Escuela de Musica Tradicional Trubiecu amenizará l’enramáu de fonte y llavaderu de Deva. A les 20 hores va haber más enramaos y actuaciones, na plaza de la Guía col Grupu de Coros y Dances del Grupu Cuadonga; na fonte y llavaderu de L’Arrionda de Llantones col Grupu “Excelsior”; na fonte Zarracina cola Agrupación Folclóricu Asturiana “Los Xustos”; na fonte de Fonfría de Trubia na parroquia de L’Abadía Cenero col Grupu Folclóricu “El Turruxón”; na plaza Clara Ferrer con Coros y Dancies “Flor de Xaranzaina”; na fonte de San Llorienzo en Begoña cola Asociación de Coros y Danza Xovellanos: na Fábrica del Gas col Grupu Folclóricu “Trebeyu”; y na fonte y llavaderu del Trole en CAbuees col Grupu Folclóricu “Xirigüenlu”. El zarru poner na fonte Laviada a les 20.30 hores el Grupu Folclóricu “El Xolgoriu”.

Tocante a los actos de Poniente van empecipiar nel paséu a les 21 hores cola música de la Banda de Gaites “La Magüeta” y media hora dempués cola Banda de Gaita “Xovellanos”. Más tarde, yá nel escenariu asitiáu na sablera, les bandes de gaites “Conceyu de Xixón” (22.15 hores), “Noega” (22.45 hores) y “Villa de Xixón” (23.15 hores) van completar los actos previos a los fueos artificiales y la foguera en redol a la medianueche

De Xixón a Mieres

Esti vienres 23 ye’l día grande de les fiestes de San Xuan en Mieres y la xornada va entamar a les 13.30 hores con música na cai al cargu de “Silvidos y gañíos”. A la mesma hora, na cai Jerónimo Ibrán, va tener llugar el primer pase de la obra “Aprovecimientu”. A les 20 hores desenvolveráse la segunda función. De 17 a 20 hores hai espectáculu de circu na cai, en La Mayacina, con “La petite caravane”. El enrame de les fontes de la ciudá de Mieres empieza a les 20 hores. Van Participar los grupos de baille y música tradicional “L’Artusu”, “Ruxidera”, “Prau Llerón”, la Banda de Gaites “Villa de Mieres” y “Alcuentru”.

A les 21 hores vuelve la música na cai, coles actuaciones de Fátima Álvarez y José Corchete (na plaza Pepa “La llechera”) y de Xaime Aries Tríu (calle Jerónimo Ibrán). A les 23 hores, música col DJ “Masid” en Requejo. A les 23.15 hores va caleciéndose para llegar a la foguera: primero con fueos artificiales y de siguío, con un espectáculu de “videomapping” (arte dixital) con proyecciones sobro l’edificiu del conceyu de Mieres, xuna obra de Rob Loren.

A medianueche, el platu fuerte de la xornada. va encendese la foguera de San Xuan, como siempres na plaza del Conceyu. va baillase la danza prima col sofitu del grupu folclóricu “Prau Llerón”. De siguío, sobro les 0.45 hores, va tener llugar xuna de les grandes novedaes del día grande de San Xuan, l’espectáculu con fueu “Drakanthux”, que va salir dende la cai Teodoro Cuesta, va dir hasta L’Albar y va baxar por Manuel Llaneza hasta llegar al parque Xovellanos.

“La Cabra Mecánica” va ufiertar el so conciertu sobro les 1.30 hores –la tercera gran actuación musical de les fiestes tres Rayden y “Chambao”– y dempués, la orquesta “Pasiquín Show” hasta altes hores de la madrugada.