Barry B pieslla’l cartelu del Festival VESU

Barry B ye la última incorporación al cartelu del festival VESU, que se va celebrar los díes 30 de xunu y 1 y 2 de xunetu na emblemática Fábrica d’Armes de La Vega, n’Uviéu.

El proyectu musical de Gabriel Barriuso García, que bebe del rock, el punk, la electrónica, el hip hop y el funk ya inspírase nes vivencies qu’anulen y aliquen la so esistencia, sumase asina a la curiosa propuesta musical de VESU que va tar protagonizada por más d’una decena de bandes y artistes nacionales ya internacionales.

Y ye que, pol festival van pasar tamién otros como Alizzz (que revolucionó la música nacional coles sos múltiples collaboraciones con C.Tangana, Rosalía, Becky G, Lola Índigo, Aitana o Amaia, ente otros y que va ufiertar en VESU la primer actuación n’Asturies tres la edición del so postreru trabayo “Boicó”, l’estadounidense Curtis Harding, Carlangas, Jimena Mariellu, La Plazuela, Sila Lua, KLANGPHONICS, El Boom, El Palombu, Futuru Terror, Pipiolas y Monteperdido.

Toos ellos, xuntu coles sesiones de DJs van enllenar un espaciu únicu, la pimpana Fábrica d’Armes de La Vega, cola meyor música mientres trés díes que yá tán marcaos nel calendariu de tolos aficionaos a la meyor música contemporanea a nivel nacional y nos que volverá tar presente Cimbla Mahou, la plataforma de música de Mahou Cinco Estrelles que xenera alcuentros en redol al directu.

Tanto les entraes de día como los abonos pa les trés xornaes tán disponibles en www.vesuoviedo.com