Shakira foi convidada de luxu na actuación de Coldplay

La ciudá de Hamburgo tien puestu’l focu mediáticu pola 12ª cume añal del G20, onde los líderes de les principales economíes del mundu empezaron ayeri les sos actividaes con una xunta sobro terrorismu. Sicasí, la ciudá alemana tamién foi noticia al rexuntar a los líderes del mundu de la música ente los que s’atopaben Coldplay, Shakira, Pharrell Williams, Ellie Goulding, Andreas Bourani o Herbert Grönmeyer.

¿ El motivu? La primer edición del Festival del Ciudadanu Global n’Europa, celebráu nel Barclaycard Eye, onde reclamaron a los líderes mundiales axuntaos nel G-20 que llogren compromisos firmes pa satisfaer les necesidaes de la xente vulnerable, de los probes, afamiaos y movíos en tol mundu. Esta manifestación musical llamó a los gobernantes del mundu a lluchar sobro’l déficit educativu, la seguridá sanitaria global, la igualdá de xéneru o la seguridá sanitaria global

A nivel musical, ente los momentos más destacaos d’esti macroconcierto pop, destacaron ésitos mundiales como “ Happy” de Williams o “Love Me Like You Do” de Ellie Goulding .Y unu de los momentos estelares de la nueche foi la collaboración del grupu británicu Coldplay cola artista colombiana Shakira, a quién convidaron a xubir al escenariu. Nuna collaboración sorpresa qu’allantó al públicu, el vocalista Chris Martin y Shakira, pudieron interpretar xuntos el “Namoré de l’artista colombiana y el míticu “Yellow” de la banda británica.