Portada Plástiques “Santuyano, viaxe al sieglu IX” pue visitase na plaza Trescorrales

“Santuyano, viaxe al sieglu IX” pue visitase na plaza Trescorrales

by redacción asturnews

L’amuesa “Santullano, viaxe al sieglu IX” ya pue visitase hasta’l 1 d’agostu, n’horariu de 11 a 14 y de 17 a 21 hores, na plaza de Trascorrales. La fin de selmana inaugurose reivindicando la importancia d’esta xoya del Prerrománicu, la ilesia d’Alfonso II, el primera pelegrín, al traviés d’una esperiencia multisensorial.

Santuyano contién el mayor conxuntu de pintura mural altomedieval d’Europa. Coincidiendo cola celebración del Añu santu xacobéu y nel marcu del programa d’actividaes puestes en marcha pol Conceyu sol epígrafe, “Uviéu, orixe del Camín”, el diariu La Nueva España, sol comisariado de la restauradora Natalia Díaz-Ordóñez propón a los visitantes de la esposición conocer los soníos, los golores y les testures de la dómina Alfonsina, y ver les pintures del monumental templu prerrománicu tal que llucíen cuando s’inauguró l’edificiu.

Tamién te podria gustar