Ron Howard va ser el nuevu director del spin-off de Han Solu

Ron Howard ye finalmente l’escoyíu por Disney pa dirixir el spin-off d’Han Solo dempués de que la compañía decidiera reemplazar a Phil Lord y Chris Miller. La noticia fíxose oficial al traviés de les redes sociales.

Esta información llegaba namái que dos díes depués de que s’anunciara que Lucasfilm desfacierase de los sos dos directores por discrepancies creatives. Al paecer, los desencuentros cola productora yeren insalvables y optóse por dixebrar los sos caminos. La web oficial de Star Wars quixo aselar a los fans asegurando que la fecha d’estrenu caltiense pa mayu de 2018.

La presidenta de Lucasfilm, Kathleen Kennedy, foi la encargada d’anunciar los motivos del divorciu nun comunicáu: “Phil Lord y Christopher Miller son unos directores talentosos qu’axuntaron una repartida y un equipu increíbles, pero quedó claro que teníamos distintes visiones creatives sobro esta película y decidimos dixebrar los nuesos caminos”.

Agora va ser Howard (Apolo XIII, Una mente maraviyosa) el que va llevar adelantre esta cinta protagonizada por Alden Ehrenreich como Han Solu y va cuntar nel so elencu con Emilia Clarke, Donald Glover y Woody Harrelson, entre otros. La hestoria del filme va desenvolver nun tiempu anterior al de “Star Wars: A New Hope” (1977) y el so guión foi escritu por Lawrence Kasdan y el so fíu Jon.