La Factoría Cultural proyecta “La Mina en Llapaes”

La sala escénica de la Factoría Cultural acueye la proyección del documental “La Mina en Llapaes”, a les 19 hores. Empobináu por Lito García Cuesta, la entrada va ser gratuita hasta completar aforu.

En febreru de 1967 entá ruxíen los ecos de la ‘Huelgona del 62’, seique por eso l’encierre d’once mineros en Mina Llames, Ablaña, quedó opacado y pocos recuerden yá aquel sucesu históricu.

Lito García quixo homenaxar a estos homes qu’en plenu iviernu decidieron desafiar al réxime franquista, zarrándose seis díes a 300 metros de fondura para reivindicar el so derechu al trabayu. Marcaos políticamente, zarrar pol tratu que recibíen: dalgunos nun teníen accesu al trabayu, otros ganaben menos o nun promocionaben dientro de la mina.

La represión nun se fixo esperar y el réxime militarizó Ablaña. La fortuna nun quixo sonrir a estos mineros, unu d’ellos cayó enfermu y bastió la salida de toos. Les consecuencies fueron nefastes para ellos, meses de cárcel, multes y el caltenimientu de la prohibición de poder trabayar.

“La Mina en Llapaes” pretende que l’alcordanza de Manuel García Solís; José Ramón García Pandorial, ‘Pin Pegarates’; Manuel Suárez González, ‘Pravia’; Julio Bande de la Fonte; Francisco González García, ‘El Cordobés’; José Manuel de la Fonte Martínez, ‘Piru’; Manuel Rodríguez Rodríguez, ‘Lito Casucu’; Manuel Álvarez Avín, ‘El Melandru’; Herminio Sánchez Cantora; Óscar García Pérez, ‘Oscarín’; y José Pérez Martínez nun s’escaste enxamás.