Portada Cine Avilés proyecta “Patriarcáu, l’organismu nocivu”, un documental contra la violencia machista

Avilés proyecta “Patriarcáu, l’organismu nocivu”, un documental contra la violencia machista

by redacción asturnews

Cuatro muyeres cavilguen sobro la violencia machista y ufierten la so visión sobro esta lacra instalada de forma atávica na sociedá en “Patriarcáu, l’organismu nocivu”. Tratase d’un documental que podrá vese esti miércoles, 15 de marzu nel Auditoriu de la Casa de Cultura, a les 10 hores, de forma gratuita.

Forma parte del programa d’actos preparáu pola conceyalía d’Igualdá d’Avilés en conmemoración del Día Internacional de la Muyer, el 8 de marzu, y ta especialmente pensáu pal alumnáu de terceru y cuartu cursu d’ESO, Bachilleratu y Formación Profesional de la ciudá, de los que van participar 152 estudiantes.

Tamién se convidó a la proyección a les asociaciones de muyeres del Conseyu Municipal de la Muyer y collaboradores nos proyectos de la conceyalía d’Igualdá. Tres la proyección preparóse un coloquiu col públicu.

Empobináu por Teresa Soler Garrido y Albert Sanfeliu Rodríguez, y producíu por Pandora Box TV, foi acreditáu pol Ministeriu de Cultura col sellu de “Especialmente indicáu pol so fomentu de la igualdá de xéneru”.

Nel documental, que enarbola la bandera de la educación como la ferramienta clave pa llograr el tresformamientu de la sociedá, “cuatro muyeres poderoses, con capacidá de reflexón entá más grande que les sos propies hestories, comparten el so sorprendente mirada sobro la violencia machista, dende la fuerza, ensin victimización nin paternalismu. Especialistes y mozos anoyar a los sos relatos y constrúin xuna sólida base pa la reflexón y la comprensión”.

Na so ellaboración partióse de la necesidá de compensar la falta de ferramientes realistes y preseos a disposición de la mocedá, dientro de la problemática qu’enceta la película, dende l’enfoque pedagóxico y constructivo, y compensar la estigmatización y victimización de les muyeres que sufren la violencia machista.

Asina, el coloquiu posterior tien como oxetivu crear un espaciu que defina, construya y movilice una conocencia calidable sobro’l patriarcáu y la desigualdá. Incidiendo en detectar el invisibilizado y tan presente fenómenu cultural nes sos realidaes cotidianes, y faelo d’una forma alloñada del ruiu y l’enfrentamientu.

Cumpliendo les siguientes metes:

Prevención de la violencia machista La educación
como ferramienta pa faer frente a esta lacra, dende’l raigañu Fomento de la igualdá de xéneru Combatir

la insensibilización, normalización y/o banalización de les conductes machistes
Identificar les actitúes sexistes, describir y definir los comportamientos violentos y valorar la influencia del llinguaxe na so relación con estos comportamientos

Más información sobro’l documental en (https://patriarcadoorganismonocivo.com/).

 

Tamién te podria gustar