Empiecen les proyecciones pa escolares de la Selmana del Audiovisual d’Uviéu, la SEMA

Esti vienres empiecen les proyecciones pa escolares nel Filarmónica dientro de la Selmana del Audiovisual d’Uviéu, la SEMA. Más de 11.000 escolares van participar estos díes na llamada SEMA, l’actividá paralela de la Selmana del Audiovisual Contemporaneu d’Uviéu SACO, qu’empieza güei día 10. Dende’l llunes yá entamó a pasar pol Filarmonica mocedá de diversos colexos ya institutos de la ciudá pa participar nes proyecciones de curtios, frutu de la collaboración ente la área de Cultura y Educacion.

El presidente de la Fundación Municipal de Cultura, José Luis Costielles, asistió’l llunes al entamu de la denominada SEMA, nel Filarmónica, onde celebró que “el cine vuelva cobrar tol protagonismu n’Uviéu cola selmana SACO y actividaes paraleles tan enriquecedoras como ésta con escolares”.