Rolling Stones suspende la so xira por EEXX y Canadá

El grupu británicu de rock Rolling Stones suspendió la etapa norteamericana de la so xira ‘Non Filters’, con conciertos previstos n’Estaos Xuníos y Canadá, porque’l so cantante, Mick Jagger, precisa “tratamientu médicu”.

Nun comunicáu, el grupu esplica que los doctores de Jagger, de 75 años, indicáron que tien de tratase y “nun puede salir de xira nesti momentu”, magar esperen que se recupere totalmente” de la so dolencia, que nun s’especificó.

La banda esculpase poles molesties y asegura que quien mercaren entraes van poder utilizales cuando s’anuncie “llueu” el nuevu calendariu de conciertos. Pela so parte, Jagger llamentó en Twitter la so indisposición y dixo a los sos siguidores: “Odio decepcionavos d’esta manera”. “Toi afaráu por tener que retardar xirar pero esforciaré enforma para volver al escenariu asina sía posible. Un vegada más, enormes sides para tol mundu”, escribió.

En rematando a finales del añu pasáu la etapa europea de Non filter, empecipiada’l 9 de setiembre de 2017, los Rolling Stones disponíense a realizar ente abril y xunu la segunda fase de la xira, con 17 conciertos previstos n’EEXX y Canadá.