Revolver “Apolo tour” nel Campoamor

Ún de los grupos míticos de la escena rockera española, Revolver, va ser el protagonista d’esti viernes na actividá cultural asturiana cola so actuación nel Teatru Campoamor a les 20 hores.

La evocación a Apolo pa dar nome a esta xira nun tien n’absolutu una vocación épica, nun sería xusto dempués de too lo vivío. Pero sí que tien una intención clara de siguir alantre, tanto vós que nos lleváis como nós en dir ellí onde se quiera la nuesa presencia. Soi músicu y el mio oficiu consiste n’entretener, a ello llevo dedicando la mio vida dende va munchos años y asina va ser hasta que m’abandonen les fuerces.

Nun podemos camudar lo asocedío pero sí que podemos abrir un paréntesis no qu’asocede, a eso dedicamos tolos que pertenecemos a esti oficiu de “cómicos y titiriteros”, a entretener y al contrabandu d’emociones. Que nos dexen ye lo único que pido. A vós y a nós.

Más información