Rayden, Tanxugueiras, Bandini, Azúcar Moreno o Varry Brava son candidatos a Eurovisión

TVE presentó esti vienres los 14 artistes que formen parte del Benidorm Fest, la plataforma na que se va escoyer el próximu representante d’España n’Eurovisión y como esplicó la xefa de la delegación española Eva Mora na presentación del cartelu “diose pesu a artistes d’ésitu nel nuesu país, a nuevos talentos, y tamién a los cantares”.

Azúcar Moreno opta a representar a España n’Eurovisión 32 años dempués del so ésitu n’Europa con ‘Bandíu’. Refentes de la música indie como Javiera Mena, Rayden, Rigoberta Bandini y Varry Brava apurren nuevos soníos para esti festival; Gonzalo Hermida, Marta Sango y Unique representen los estilos más comerciales; ente que Tanxugueiras podríen convertise nes primeres en representar a España cantando en gallegu. Blancu Palombu, Chanel, Lluna Ki, Sara Deop y Xeinn, ente los artistes emerxentes que podríen trunfar en Turín el 14 de mayu de 2022..

La cita va celebrase a finales de xineru na ciudá alicantina y va estremase en dos semifinales con siete concursantes caúna y xuna final na que van allegar ocho artistes.

Los 14 escoyíos:

Azúcar Moreno – ‘Postureo’
Blanca Paloma – ‘Secreto del agua’
Chanel – ‘Slo mo’
Gonzalo Hermida – ‘Quién lo diría’
Javiera Mena – ‘Culpa’
Luna Ki – ‘Quiero Morir’
Marta Sango -.’Sigues en mi mente’
Rayden – ‘Calle de la llorería’
Rigoberta Bandini – ‘Ay Mama’
Sara Deop – ‘Make you say’
Tanxugueiras – ‘Terra’
Unique – ‘Mejores’
Varry Brava – ‘Raffaella’
Xeinn – ‘Eco’