Ramón d’Andrés va dar güei una conferencia na Universidá d’Almería

La conferencia del filólogu y profesor de la Universidá d’Uvieú va celebrase dientro del marcu del XXVI Congresu de l’Asociación Española de Llingüística Aplicada (AESLA), qu’organiza la Universidá d’Almería y que tuvo ayeri como primer convidáu asturianu al filólogu Xulio Viejo.

La comunicación de D’Andrés títulase “La oficialización de la toponimia tradicional d’Asturies: una peculiar experiencia en política llingüística”, y nella va poder falar en primer persona d’un tema que conoz bien de la so anterior etapa como director de la Oficina de Política Llingüística d’Asturies.