Portada Convocatories Fallu del xuráu del Concursu de Proyectos de Xarrés El Bollu 2023

Fallu del xuráu del Concursu de Proyectos de Xarrés El Bollu 2023

by redacción asturnews

Esta selmana pasada prodúxose’l fallu del xuráu del Concursu de Proyectos de Xarrés El Bollu 2023. Los proyectos ganadores van desfilar poles cais d’Avilés el 9 y 10 d’abril.

Aconceyaos nes dependencies de la Delegación Municipal de Festejo -Oficina de Turismu /C/Ruiz Gómez, 21)- los miembros del xuráu del Concursu de Proyectos de xarrés alcordaron conceder los siguientes premios, dotáu cada unu d’ellos cola cantidá de 2.800 euros, a los siguientes proyectos:

  • Viva la mar salada. A.VV. Xardín de Cantares
  • Womarts. Muyeres tres la cámara. A.VV. Marcos del Torniello
  • La vieya estación. Sociedá de Festexos de Trasona (SOFETRA)
  • L’elefante del parque. Confrería del Bollu Avilés y les sos emblemátiques cais. A.VV. El Quirinal
  • Avilés ta viva. A.VV. L’Horru (El Carbayedo)

Amás, concedióse dos accésit de 700 euros cada unu a los proyectos:

Un paséu pola hestoria. Un paséu peles Nubes. A.V.V Pedro Menéndez
Y por fin vemos la muralla. Auniendo Fronteres

En casu de que dalguna entidá arrenuncie a executar el so xarré, llograría un accésit de 700 euros: Sabores de la nuesa Villa. Sofitu La Peral.

El xuráu valoró’l motivu y les referencies culturales del xarré (40 puntos), la orixinalidá (15 puntos), según la complexidá de la so ellaboración (20 puntos) y midíes de seguridá (25 puntos).

Los proyectos ganadores van desfilar poles cais d’Avilés nos dos desfiles de Xarrés, los próximos 9 y 10 d’abril.

Tamién te podria gustar