Portada Convocatories Llangréu acueye esti marzu la X Sestaferia Educativa

Llangréu acueye esti marzu la X Sestaferia Educativa

by redacción asturnews

La Conseyería d’Educación, al traviés del CPR Cuenques Mineres convoca la X Sestaferia Educativa pal profesoráu d’asturianu y de gallego-asturianu o eonaviegu que va desenvolvese el primer día de marzu nel CPR de La Felguera y va cuntar con una llarga llista de ponentes.

La xornada, titulada Allugándonos nel trabayu interdisciplinar, va llevase alantre’l 1 de marzu en La Felguera y va tratar los formatos nuevos d’aprendimientu nel aula dende un averamientu práuticu. Pa inscribise ha de dise a la páxina del CPR na web del mesmu. Inscripciones del 13 al 26 de febreru, per orde rigurosu de solicitú.

Oxetivos

  • Conocer estratexes de deprendimientu nes clases de Llingua.
  • Adautar la programación de Llingua Asturiana a la llexislación nueva.
  • Aplicar los principios DUA nel enseñu de Llingua Asturiana y Lliteratura.
  • Introducir los ODS y la coeducación nel aula de Llingua.
  • Ufiertar un averamientu, al traviés de talleres, a enfoques pedagóxicos interdisciplinares.
  • Presentar modelos de Situaciones d’Aprendimientu.

Conteníos

  • Situaciones d’Aprendimientu.
  • Diseñu Universal d’Aprendimientu
  • La Coeducación y los ODS na LOMLOE.
  • Apertura del centru a la comunidá y difusión de Proyeutos.
  • Instrumentos d’Evaluación pa Llingua Asturiana y Lliteratura.

Ponentes

  • Xesús A. Vicente Torga. Profesor de Llingua Castellana. IES Llanera
  • Ástor Llaneza Prieto. Profesor de Bioloxía. IES Cuenca del Nalón
  • Alba Hernández Boada. Mayestra d’Infantil. CP Vital Aza
  • Nuria García Álvarez. Profesora de Matemátiques. IES Pérez d’Ayala
  • Laura Prieto Rodríguez. Direutora CP Felechosa
  • Pablo Quiroga Prendes. Xefe d’Estudios del CP Valdellera
  • Xosé Antón González Riaño. Caderalgu de Didáutica de la Llingua y la Lliteratura de la Universidá d’Uviéu. Presidente de la Academia de la Llingua Asturiana
  • Maite Duarte Llaneza. Orientadora y direutora del CP Aniceto Sela de Mieres

 

Tamién te podria gustar