La revista “Asturies. Memoria encesa d’un país” llega al númberu venticuatro

El Colectivu d’investigación etnográfica “Fundación Belenos” ta acante d’espublizar un númberu nuevu de la revista más importante n’Asturies no que cinca a les investigaciones etnográfiques. La revista dirixida por Lisardo Lombardía, Ignaciu Llope, Gausón Fernande y Xosé Nel Riesgo, tien dellos artículos, la sección “L’estoxu”, onde se reseñen les últimes novedaes bibliodiscográfiques del país.

L’artículu “Asturies y el so gloriosu Exército Defensivo Asturiana na guerra la Independencia”, a cargu del ARCHA abre la revista y siguen artículos como “Averamientu a la tradición del viguilín n’Asturies” d’Ana Lombardía González o “La panera de la casa de la Viuda, L.linares(Ayande) onde Amparo García Iglesias y Luis Rodrigo Rodríguez Simón describen “un casu únicu dientro l’Estilu Ayande”.

La revista ta a la venta nes llibreríes del país y na web de la Fundación Belenos, qu’ufre la posibilidá de soscribise.