Nano González y Raquel Lagartos representaron a Avilés na segunda residencia del proyectu européu Wom@rts

Nanu González y Raquel Llagartos representaron a Avilés na segunda residencia del proyectu européu Wom@rts que remató en Angulema, Francia, esti miércoles 3 d’ochobre.

Dedicase a les muyeres ilustradoras y dibuxantes de cómic, na que ye considerada como la capital de Francia del novenu arte y tanto Raquel Llagartos como Nanu González algamaron en Angulema l’ecuador del procesu creativu del so proyectu.

La segunda residencia del proyectu Européu Wom@rts, que, financiáu pol programa Europa Creativa de la Unión Europea, promueve la presencia igualitaria de les muyeres en tolos ámbitos del arte, remató en Angulema, Francia. Ellí, representando a Avilés, sociu del proyectu al traviés de la conceyalía de Cultura, y nuna estancia dedicada a ilustradoras y dibuxantes de cómic, participaron dos creadores asturianes de la talla de Nano González y Raquel lagartos. La residencia de Angulema empezó’l 24 de setiembre y remató ayeri miércoles 3 d’ochobre.

Les artistes participantes, inspiraronse pal so trabayu na obra de Simone de Beauvoir “El segundu sexu”, y nos versos escritos por 10 poetes europees. Tuvo llugar na Ciudá Internacional del Cómic y de la Imaxe, disponiendo pa llevalo a cabu d’un taller con tol material y equipamientu necesariu, denomináu New Factory.

El programa de la estancia centrose nel desenvolvimientu del trabayu d’ilustración, en sesiones que s’empecipiaben a les 9 y a les 14 hores. La puesta de mancomún, la conocencia mutua, l’intercambiu d’esperiencies marcaron el desempeñu, acompañáu de visites a llugares de relevancia, como’l Muséu del Cómic de Angulema, o a la “Maison deas auteurs”. Tanto Raquel Lagartos como Nano González algamaron en Angulema l’ecuador del procesu creativu del so proyectu. Col guión del cómic, los bocetos y la composición resuelta. Nel casu de Raquel empezando yá col entintado, y nel de Nanu, nel modeláu con llapiceru.

Dambos ceadores destacaron los gratificante de la esperiencia, gracies a la posibilidá de reparar distintes maneres de trabayu, lo que-yos dexó arriquecer les sos propies creaciones, según una de les finalidaes del proyectu Wom@rts, como ye la creación de comunidá ente les artistes, facilitando’l trabayu en rede.

Xuntu a Nano González y Raquel Llgartos, compartieron la residencia en Angulema con artistes convidaes pol restu de miembros del proyectu: Xulia Vicente (Ciñu, A Coruña), Meriem Mesfioui (Francia), Scotty Hervouet (Francia), Fionualla Doren (Irlanda), Maura McHugh (Irlanda), Korina Hunjak (Croacia), Akvile Miseviciute (Lituania) y Samira Kentric (Eslovenia), convidaes polos distintos integrantes del proyectu.

Más información