Más de 600 neños y neñes d’Avilés participen na ‘VI Folixa de Navidá’ na Casa la Cultura

Más de 600 neños y neñes participaren nes actividaes de la Folixa de Navidá qu’organiza la Estaya de la Llingua, de la Conceyalía de Cultura, y que yá ye una cita tradicional del programa navidiegu avilesín.

Cuentacuentos, teatru, música y los villancicos imprescindibles, formen parte d’una programación na que collabora l’alumnáu de les escueles Poeta Juan Ochoa, Palalcio Valdés, Marcelo Gago de forma direuta nel escenariu y tamién como públicu de les escueles de La Carriona, Villalegre, Versalles, Enrique Alonso y Sabugo, con un total de 632 neños, neñes y profesoráu.

Tamién se reparten tarxetes pa que les neñes y neñes puedan pidir los sos regalos a los Reis Magos. El repartu les tarxetes van facelu Lolina la Rulera y L’Anguleru, que van encargase de despidir a neños y neñes. Va tar la conceyala de Cultura, Yolanda Alonso.

VER PROGRAMA VI FOLIXA DE NAVIDÁ