Los fotógrafos aconceyen nes Nueches de branu del Muséu del Ferrocarril

Un gran estudiu de fotografía con más de 500 modelos a disposición del públicu ye lo que pue atopase nel Muséu del Ferrocarril d’Asturies que tien abiertes les sos puertes les nueches de los díes 20, 21 y 22 de xunetu (de 19.00 a 23.00h), a toos aquellos fotógrafos, profesionales o aficionaos, neños y mayores, que quieran averase para prindar imaxes de los elementos espuestos nel centru.

Les locomotores, los coches de viaxeros, los vagones, les aceiteres, los faroles, les señales, los teléfonos, los cambeos de vía, los carriles…, toos ellos van posar pa les cámares de tol quiera dir a retratalos.