Les pintures robaes de Van Gogh tornen a Amsterdam 14 años dempués

Dos cuadros de Vincent van Gogh que fueron robaos fai más de 14 años nun asaltu fueron de nuevu espuestos el martes pasáu nel muséu de Amsterdam. ”¡Tán de vuelta!”, esclamó’l director del muséu de Van Gogh, Axel Rueger, considerando que yera unu de los “díes más especiales de la hestoria del nuesu muséu”.

Les pintures, la Vista de la sablera en Scheveningen de 1882 y Obres de la Congregación que dexa la Ilesia Reformada en Nuenen en 1884-85 fueron afayaes l’añu pasáu pola policía italiana qu’investigaba a unos presuntos mafiosos por tráficu de cocaína.

Less dos pintures taben envolubraes en sábanes d’algodón, dientro d’una caxa y escondíes detrás d’una paré nun inodoro, dixo’l xeneral Gianluigi D’Alfonso, de la policía financiera italiana, que taba presente nel muséu pa la inauguración ceremonial.

Les pintures fueron atopaes nuna casa de campu cerca de Nápoles, mientres la policía italiana prindó 20 millones d’euros n’activos, incluyendo villes, apartamentos ya inclusive un pequenu avión. El investigadores afirmen que los activos tán venceyaos a dos capos de drogar Camorra, Mario Cerrone y Raffaele Imperiale.