La Fundación de Cultura entama la V Parees con un mural dedicáu a Uviéu

El festival de muralismo Parees, entamáu pola Fundación Municipal de Cultura, que cumple anguaño la so quinta edición, va empezar el llunes 13 de setiembre, y enllargase hasta’l domingu 19, con un mural dedicáu a Uviéu nel que va participar la ciudadanía.

Parees va sumar otros cuatro murales a los más de 25 realizaos mientres los años anteriores, que camudaron el paisaxe del conceyu con obres d’artistes internacionales y tamién temátiques diverses, principalmente d’inspiración asturiana y cola participación de la ciudadanía na so planificación. El festival caltúvose inclusive l’añu pasáu cola difícil situación de la pandemia pola Covid-19, que tamién nesta ocasión va obligar a afaer el programa a los protocolos sanitarios necesarios.

A diferencia de lo habitual nos festivales de muralismu, Parees implica a los vecinos y vecines por aciu los denominaos “procesos participativos”, que coordina’l colectivu Raposu Roxu y nos qu’intervienen asociaciones y espertos nes  distintes temes de les obres para ayudar a los artistes nos enfoques. Nun atiende solo a la ciudá, sinón que nestes cinco ediciones allugó obres per tol conceyu, en localidaes como Tudela Veguín, Trubia o Olloniego.

Los cuatro artistes que se van sumar a la llarga llista d’obres urbanes en 2021 son:

Luogo Comune. Ilustrador y muralista de Bolonia (Italia), con trabayos nel so país y en Polonia, Austria, Inglaterra, España, Grecia y Marruecos.
N’Uviéu va realizar un mural que la so temática va decidir una campaña coordinada xuntu a la Área de Participación Ciudadana a partir de la entruga “¿Qué crees que fai especial a la ciudá d’Uviéu?”, llanzada nes redes sociales del Conceyu y del festival. Les respuestes de los vecinos y vecines van enriase al traviés del corréu procesosparedesfest.net y darréu van clasificase, por que el artista recibir y sobro elles decida’l conteníu del mural.  Web Instagram

Emily Eldrige. Estadounidense residente en Berlín, trabayó tamién n’España, Honk Kong y Xapón, ente otros países. N’Uviéu va realizar un mural dedicáu al Camín de Santiago, que se emplazará nun puntu uvieín de la ruta inda por cerrar. Web Instagram 

Alba Fabre Sacrista?n. Catalana, profesora d’Arte en Barcelona y muralista, realizó obres d’inspiración clásica. El so mural d’Uviéu va tar dedicáu a les mazcaraes d’iviernu, pa lo cual el festival va convidar a participar a asociaciones culturales que les caltienen n’Asturies. Instagram

Foni Aráu. Pioneru del movimientu skate n’Asturies, ye inxenieru técnicu, músicu y tamién artista. Nacíu en Xixón en 1971, Arnao realizó trabayos pa instituciones, empreses y colectivos, con un estilu que tien un puntu naif y que recurre a elementos iconográficos de la naturaleza, la infancia o la música. La so incorporación a Parees sigue la llista d’artistes asturianos que cada añu participen con una obra, nesti casu, dedicada a una tema lliteraria rellacionáu con Uviéu, casu de los murales dedicaos a Clarín o Dolores Medio n’años anteriores. Web Instagram