La Fresneda acueye esti vienres una nueva función de Teatru Kumen

La compañía llangreana Teatru Kumen va poner n’escena “El rufián dichosu” en La Fresneda estra fin de selmana. La cita ye esti vienres 2 d’avientu, a les 19.30 hores, nel Centru Cultural de la localidá.

“El Rufián Dichosu” cunta la hestoria de la conversión d’un home perteneciente al hampa sevillana, Cristóbal de Llugo, criáu del inquisidor Tello de Sandoval. So la protección del so amu, Llugo tien llibertá para actuar al so antoxu nos pasos más baxos de la sociedá hispalense, ensin amueses d’arrepentimientu.

Tres una elipsis temporal, Llugo apaez convertíu en Fray Cristóbal de la Cruz. Esti cambéu repentín esplícase al traviés de la intervención de los personaxes alegóricos del interés y la comedia, quien na so conversación espliquen el cambéu que Llugo sufrió al treslladase a México col so amu, hasta llegar a convertise nel home santu qu’agora ye.

Una vegada en México, Cristóbal de la Cruz conoz a Ana de Treviño, una muyer que refuga confesase nel so llechu de muerte, yá que foi tentada por diversu diaños. Fray Cristóbal de la Cruz ayuda a qu’Ana de Treviño conviértase y se salve, consiguiendo asina él mesmu la santidá y xubir a los cielos aplaudíu polos cristianos.