La fin de selmana entama con un singular conciertu d’órganu na ilesia de La Pola

La fin de selmana entama con un conciertu d’órganu na ilesia de La Pola protagonizáu pol organista Juan de la Roxa, que va tener llugar esti vienres 20 de xunetu, a les 21.00 hores, y col que va ilustrar musicalmente la película Metrópolis de Fritz Lang.

L’organista Juan de la Roxa va protagonizar un singular conciertu nel que va ilustrar musicalmente, a manera de banda sonora y de forma improvisada, la proyección de la película muda Metrópolis, de Fritz Lang (1927), una de les grandes películes de la hestoria del cine mundial.

Juan de la Roxa ye l’organista titular de la Basílica de la Sagrada Familia de Barcelona y profesor d’improvisación na Escuela Cimera de Música de Catalunya (ESMUC). Ye unu de los intérpretes más galardonaos de la so xeneración. Actuó nos principales escenarios d’Europa, según n’América Llatina y Asia, con una acoyida escelente del públicu y la crítica. Nos últimos años, la so actividá concertística foi incesante, actuando en más de venti países. Publicó diez discos como solista.

Entrada llibre, llindada al aforu de la cortil