Juacu López avéranos a “Luis Menéndez Pidal y los entamos de l’antropoloxía n’Asturies”

Dientro del ciclu “La colección al detalle. Obra artística y reflexu social”, presentase esta charra/conferencia a cargu de Juaco López, director del Muséu del Pueblu d’Asturies, na que va analizar la obra del artista Luis Meméndez Pidal en relación colos entamos de l’antropoloxía n’Asturies. La charra va ser nel Muséu Casa Natal de Xovellanos esti xueves 26 de de mayu a les 19:00 hores.

El pintor Luis Menéndez Pidal (Payares, Asturies, 1861- Madrid, 1932) foi unu de los meyores artistes asturianos de la so xeneración. Cultivó los xéneros relixosu, la semeya y el costumismu. El so enfotu por pintar la vida rural y el tratamientu de delles de les sos obres solo pueden esplicase pola influencia de los estudios de folclore o antropoloxía qu’empezaron a espublizase n’España a fines del sieglu XIX y qu’apurrieron una nueva mirada sobre el llabradores. Los sos hermanos Juan y Ramón van ser pioneros nesta ciencia y van dedicar la so vida al romanceru y otros xéneros de la lliteratura oral. El mesmu pintor collaboró con ellos na recoyida de materiales folclóricos de boca de llabradores y en 1925 participó na Esposición del Traxe Rexonal y Hestóricu celebrada en Madrid. Cuadros como “La cabana” (1906), “La tradición” (1916), “Faciendo mantega” (1917), “Los segadores” (1921) y “Los náufragos” (1924) son la resultancia d’una mirada antropolóxica.

Entrada gratuita hasta completar aforu.