Iron Skulls Co. trai “Azul petróleu” a Danza Xixón

El Centru de Cultura Antiguu Institutu acueye esti sábadu 16 d’ochobre a les 20:30 la representación de “Azul petróleu” por Iron Skulls Company nel programa de Danza Xixón.

Al traviés d’un llinguaxe de movimientu que transita ente les dances urbanu y contemporaneu; preséntense entrugues que pertenecieron a la naturaleza humana a lo llargo de la so esistencia: ¿Cuánta de la nuesa individualidá tamos dispuestos a sacrificar pa caltener la nuesa pertenencia a un grupu?

En repitíos momentos na hestoria de la evolución humana o meyor dichu involución, les persones dan cuenta de que fueron autu adomaes. Desenvuelven la consciencia abonda pa sentir como los sos instintos fueron primíos, y ansían la llibertá que-yos dexe espresar la so esencia humana ensin barreres nin opresiones. Esti procesu lleva a una rebelión énte sigo mesmu y énte la sociedá y les sos normes. Lo selvaxe y animal de cada unu llibérase y establécense lluches de poder, y xerarquíes. Sicasí, col pasu del tiempu, los individuos aprienden a cooperar y establécense pontes de comunicación y entendimientu ente los miembros d’un grupu. Dientro d’esta coesistencia, axústase la manifestación de la mesma creatividá y atópense maneres de contribuyir al fayadizu funcionamientu del grupu. Azul petróleu, ye xuna busca al traviés del instintu onde vamos asistir a una reflexón sobro cómo la pertenencia al grupu afecta la espresión de la nuesa naturaleza humana individual.

Centru de Cultura Antiguu Institutu
16 d’ochobre de 2022 a les 20:30