‘Face it Alone’ ye’l nuevu cantar de Queen con Freddie Mercury

Tratase del primer cantar que Queen publica al pie de Freddie Mercury en 8 años, yá que nel álbum ‘Queen Forever’ de 2014, la banda incluyó trés cantares antes non escuchaos con Mercury, ‘Let Me In Your Heart Again’, ‘Love Kills’ y ‘There Must Be More To Life Than This’, magar yá s’escucharen n’otros trabayos de Mercury en solitariu.

La tema atopóse cuando l’equipu de producción y arquivu de la banda bució ente les sesiones de grabación de 1988, añu nel que’l grupu entró al estudiu pa grabar ‘The Miracle’ (1989), el penúltimu llarga duración que la formación publicó col cantante en vida. Foi un periodu prolíficu, nel que los de Mercury crearon cerca de trenta tarrezas, munchos de los cualos nun vieron la lluz y quedáronse ensin entrar na corte final del álbum.

El llanzamientu d’esti cantar, que fala fundamentalmente de la soledá, antecede a la salida’l 18 de payares de la edición coleicionista de ‘The Miracle’, un trabayu que va tar disponible en dos formatos: una edición deluxe, con dos CDs y un preciu de 21,99 euros, y una Collector’s Edition con ocho discos (un vinilu, cinco CDs, un DVD y un blu-ray) que, amás de la obra orixinal, inclúi tomes orixinales, deamos, cortes y seis tarrezas inéditos, amás d’audiu de conversaciones íntimes ente la banda trabayando nos estudios de Londres y Montreux. ¿El so preciu? 159,99 euros.

Fueron Brian May y Roger Taylor, guitarrista y batería de la banda, respectivamente, quien revelaron la esistencia del cantar nuna entrevista pa la radio de la BBC. Taylor comentó entós que se trataba de «una pequena xoya de Freddie de la que casi non nos alcordábamos. Ye maraviyosa, un verdaderu descubrimientu. Ye una tema apasionada».

Pela so parte, May describió la tema como «bien bellu y conmovedor». «Toi contentu de qu’el nuesu equipu atopara esti cantar. Dempués de tantos años, ye xenial escuchanos a los cuatro… Sí, Deacy -diz en referencia al baxista John Deacon, qu’abandonó la formación tres la publicación de ‘Made in Heaven’ en 1995- tamién ta na grabación d’esta idea xenial que nunca se terminó… ¡hasta agora!».