Escena Apache representa en Xixón “Caperucita en Muniellos”

Esti sábadu 17 de setiembre a les 12:30 na Plaza La Soledá de Xixón Escena Apache representa Caperucita en Muniellos, una obra pa tolos públicos, na que van cuntar lo que naide esplicó del cuentu de Caperucita, dientru’l xixonés Festival Al Resve.

La compañía Escena Apache ye una agrupación veterana de la comedia n’Asturies, que yá recibió en 2014 el premiu Xovellanos a la producción escénica. En 2020 lleváronse dos trofeos de los premios Oh! de les Artes Escéniques, a la meyor autoría y al meyor espectáculu cola obra Nine, Under the Coconuts, de Maxi Rodríguez.

Esta vegada so la dirección de Marga Llanos, presenten una obra pa tolos públicos, na que van cuntar lo que naide esplicó del cuentu de Caperucita. Y ye que, en realidá, yera una neña que vivía en Tabliza, barganal del Monte de Munielḷvos, qu’un día foi a ver a la so güela que vivía en mediu del monte. Pel camín, dempués d’encarase con un osu pardu, va dir atopando a dellos personaxes de la mitoloxía asturiana, que van ayudar a escapar de los peligros d’esti viaxe.

Festival Al Resve
Plaza La Soledá de Xixón
17 de setiembre de 2022 a les 12:30