Plástiques ESAPA gana’l Concursu de diseñu gráficu EtiquetaNews by redacción asturnews 19 d'ochobre, 2020 written by redacción asturnews 19 d'ochobre, 2020 1,6K La 3ª Edición del Concursu Nacional d’Etiquetes de Vinu 2020 EtiquetaNews pa estudiantes de diseñu gráficu consolidóse como un referente a nivel européu gracies a los sos escelentes ratios de participación y esta vegada un alumnu de ESAPA (Asturies), Daniel Álvarez Santín, ganólu gracies a la so atélite etiqueta, OH. El Concursu d’Etiquetes de Vinu entamáu por EtiquetaNews llogró na so tercer edición cuntar con 410 participantes, de 34 centros de formación universitaria de too el país. Unos ratios que representen una crecedera del 41% respetu de la última edición, n’una convocatoria qu’axuntó a mozos y moces estudiantes de grau y master procedentes d’un 82% del territoriu nacional. El Concursu pretende afayar y potenciar talentos del diseñu gráficu nacional col fin d’empobinalos profesionalmente a la industria de la etiqueta y el packaging, mercaos que lleven más de 20 años creciendo. El so xuráu ta formáu por destacaos espertos del mundu del diseñu profesional, asina d’otros profesionales del negociu de la etiqueta del nuesu país. La Gala d’Entrega de Premios, que tuvo llugar ayeri, foi per primer vegada virtual. El so ganador foi Daniel Álvarez Santín, de la Escuela Cimera d’Arte del Principáu d’Asturies (ESAPA), pol diseñu de la etiqueta de vinu “OH”. Una etiqueta basada nun conceutu creativu que surde de la química natural del vinu, inspiráu nos hidroxilos y l’imaxe na Catequina (antiosidante natural). Les formes básiques de la etiqueta tán basaes na fórmula molecular d’esti antiosidante y fueron realizaes manualmente por aciu llinoleu pa da-y una testura artesanal, natural y moderna. La tipografía emplegada ye “Botera” na so variante stencil, una tipografía diseñada específicamente pa vinos que’l so autor ye Javi Montoya, diseñador de Xaén. El segundu puestu llogrolu Alba Aranda Montero, del centro Escuela d’Arte de Toledo, cola etiqueta de título “Madre Tierra” y Enguedeya Marcos Coloráu, del centro Escuela Cimera d’Arte del Principáu d’Asturies (ESAPA), cola etiqueta de títulu “Nero”, llogró la tercer posición. El Premiu al Meyor Centru de Formación en Diseñu d’Etiquetes d’España foi pa ESAPA, al igual qu’el de Meyor Profesora en Diseñu d’Etiquetes, que recayó en Blanca Priendes. D’esta miente, ESAPA llogró cuatro de los seis principales premios del Concursu. A lo último, el premiu al Centru con Mayor Participación nel Concursu recayó na Escuela Antoni Algueró (Barcelona). El Concursu Nacional d’Etiquetes de Vinu 2020 cuntó col sofitu de destacaos patrocinadores del sector especializaos nel etiquetáu del vinu como son: Grupu Argraf, Grupu Biolid, Eadec, Grupu Machu, Germark, Gráfiques Z, UPM Raflatac y Heildelberg-Gallus. La organización acaba d’abrir el periodu d’inscripciones pa la Edición 2021. https://www.etiquetanews.com/solicita-participar/ 0 FacebookTwitterPinterestEmail Anterior Spanish Brass y Raquel García-Tomás son los Premios Nacionales de Música 2020 siguiente La Factoría Cultural d’Avilés va impartir un taller de teatru pala reciella Tamién te podria gustar “Nos dominios de trés” homenaxea a la pintora... Avilés reivindica a Trinidad Fernández con mediu centenar... La esposición “Cuerpos albentestate” recueye la creatividá reivindicativa... La Factoría Cultural inaugura Y-LIFE, de Juan Falcón,... La esposición “Dos patries llevo comigo” fai alcordanza... Mieres pon en marcha’l programa de visites al... Una esposición amuesa la evolución de la muyer... Inaugurada la VII Esposición d’Arte Postal n’Avilés, con... El tercer Ciclu d’Ilustración de la Ventana de... Avilés recuerda’l so vertixinosu sieglu XX cola esposición...