Entama la XVIII Amuesa d’artes plástiques n’Avilés

Entama esta tarde, a las siete y media, la XVIII Amuesa d’artes plástiques d’Aviles. La esibición d’artistes xóvenes, que lleva por títulu “Q(7X7)” va tar disponible al publicu na Casa de Cultura d’Aviles. Nesta nueva edición van participar Jorge Faes Ruiz; Úrsula Faya Alonso; Virginia López Fernández y Sandra Paula Fernández, na modalidá de pintura; Patricia Vázquez n’escultura, Alicia Jimenez en video-instalación y Jose Jorge Nava Montes en fotografía.

Na inauguracion va tar presente’l director del Institutu Asturianu de Xuventú, Guillermo Martínez Suárez la conceyala de Xuventú, Paula Bartolome, y el conceyal de Cultura, Román Antonio Álvarez. L’horariu d’esibición hasta’l día del peslle (22 d’ochobre) va ser de once de la mañana a una de la tarde, y de seis de la tarde a nueve de la nueche. Los domingos y festivos, de once de la mañana a dos de la tarde.