El vestuariu y la escenografía protagonicen otra sesión de ‘Siguiendo la Escena’

La importancia del vestuariu y l’escenografía na realización d’una producción teatral protagoniza la cuarta sesión de Siguiendo la Escena. Una de les figurinistas y escenógrafes más prestixoses d’España, Vanessa Actif, integrante del equipu artísticu de la obra “Manolita Chen. Un cuentu chinu”, va charrar col alumnáu participante en proxécto-y. Va ser güei miércoles 16 de xunu a les 18.00 hores, de forma telemática.

Actif, que yá participó nes sesiones coles qu’empezó’l proyectu Siguiendo la Escena l’añu pasáu, como integrante de la producción “Solombra y relidad”, va axuntar colos y les estudiantes que formen parte de los grupos de teatru de los IES Menéndez Pidal, La Madalena y Carreño Miranda, y de los colexos San Fernando y Salesianos-Santu Ángel. Va facese al traviés de la plataforma Zoom.

Siguiendo la Escena, promovío pel Área de Cultura del Conceyu d’Avilés, dexa la inmersión del alumnáu nos rellabicos qu’acompañen la creación y puesta en marcha d’una obra de teatru por una compañía de prestíu, de forma directa, de la mano de los profesionales de les distintes parceles que la componen. Asina, conviértese nuna ferramienta educativo complementaria a los programes docentes, al empar que fomenta la creación de nuevos públicos escontra les artes escéniques dientro del estudiantáu d’Enseñanza Secundaria y Bachilleratu de la ciudá.

Mientres aprosimao una hora, los y les moces van poder esponer les sos duldes y entrugues a una profesional de dilatada trayectoria, responsable de vistir tantu al elencu como al escenariu de la obra “Manolita Chen. Un cuentu chinu”, que collabora con esta segunda edición del proyectu.

Estrenada’l pasáu 23 d’abril nel Teatru Circu Price de Madrid, y protagonizada por Pepa Zaragoza, que participó na sesión anterior, esta función rinde homenaxe a la figura de Manolita Chen, conocida mientres décades como “la reina del teatru portátil”.

Más información