El sieglu d’Oru vistu por Ramón Gómez de la Serna

La visión de Ramón Gómez de la Serna de la etapa más brillante de la lliteratura española ye’l leit-motiv d’esta representación escénica onde s’entemecen les téuniques del Cabaré cola fina ironía de Gómez dela Serna embaxo un títulu que ya dexa a les clares lo que va traer “Oro y plata de Ramón”.

Cabaré barrocu a partir de testos del Romanceru, Jorge Manrique, Miguel de Cervantes, Lope de Vega, Francisco de Quevedo, Luis Vélez de Guevara, Federico García Lorca, Juan Ramón Jiménez, Manuel de Falla, Rafael Sánchez Mazes, José Ortega y Gasset, Pedro Salinas, Valery Larbaud, Julián Maríes, Juan Manuel Bonet, y d’una docena d’obres del propiu Ramón; xuntu con cantares del Sieglu d’Oru y de la Edá de Plata.

Ramón vivió la llegada del jazz, el cine, de los motores ruxentes de la ciudá, los letre-ros eléctricos, los bailles de Josephine Baker. Taramió tou aquello con allegría y más fervor que naide; foi, como Ortega, «bien poco modernu y bien sieglu XX» y, por eso mesmu, nel trom-petazo del jazz band vía’l Barrocu viviente; nos autos rápidos, la gatomaquia de Lope; nel cabaré nocherniegu, acompañába-y el Quevedo que llegaba cola so coxera; y nos sifones del café Pombo, esperába-y el Greco de golilla. Na llacuada colos amigos, rompíen a falar de «vuesa mercé»; pel branu nun viaxa, permanez en Madrid –«el Sieglu d’Oru nun pudiera ser si braniárase entós»– y cuando viaxa, parte a Nápoles, como Cervantes; no más crudo del iviernu, pasen xuntos la so Nueche Toledana”.

Como na greguería, «la vera d’allá…sí, la vera d’allá quería tar a la vera d’acá…», la Edá de Plata quería tar en Sieglu d’Oru; tar daveres nuna cosa yera sumise hasta’l fondu de la vida español y americano, del so arte, de la so música.

Más información