El Salón del Cómic de Barcelona va dedicar una esposición a los viaxes de Tintín

El 35 Salón Internacional del Cómic de Barcelona, que se va celebrar del 30 de marzu al 2 d’abril na Feria de Montjuic, va dedicar una de les sos esposiciones a los viaxes de Tintín, el reporteru creáu por Hergé que foi la primer torna al asturianu del cómic xunto Asterix y Obelix.

Según informó’l Salón del Cómic, la esposición, que va llevar el títulu “¡Al Oeste, más escontra l’Oeste!”, foi producida por “1001. Associació Catalana de Tintinaires”, que propón un percorríu pola variada xeografía tintinóloga.

A lo llargo de los sos álbumes, Tintín percorrió los cinco continentes de la Tierra ya inclusive protagonizó un viaxe a la Lluna acompañáu pol so fiel perru Milú, el capitán Haddock, el profesor Tornasol o los despistaos policías Hernández y Fernández.