El Guggenheim esquiza la relación arte-espaciu al traviés de Chillida y Heidegger

El Muséu Guggenheim Bilbao esquiza la relación ente l’arte y l’espaciu al traviés d’una esposición basada na collaboración que llevaron a cabu en 1969 l’artista vascu Eduardo Chillida y Martin Heidegger.

Como resultáu d’esta collaboración col polémicu filósofu alemán, criticáu poles sos simpatíes escontra’l réxime nazi, demientres el cual aportó a rector de la Universidá de Berlín, l’escultor vascu publicó un llibru tituláu L’arte y l’espaciu en 1969.

La esposición, entamada pol comisariu del Muséu bilbaín Manuel Cirauqui, supon un percorríu por cinco décades d’arte y esibe más de 100 pieces d’artistes locales, nacionales ya internacionales, de les que xuna ventena pertenecen a Chillida -de tamañu medio yá que correspuenden a los estudios previos a la obra final-.

Ta conformada por pieces clave de la colección propia del Muséu, yá esibíes n’anteriores esposiciones y otres inédites en Bilbao, procedentes de la rede de museos Guggenheim y d’importantes colecciones internacionales. Na amuesa, los artistes participantes actualicen y desenvuelven conceutos presentes nel diálogu entre Heidegger y Chillida como’l llugar, la presencia de les coses y la relación ente arte y ciencia.

D’esta forma l’espectador pue reparar nel so percorríu cómo la obra d’arte rellacionase col espaciu nel que s’esibe y cómo esi espaciu moldia y condiciona a la mesma obra d’arte, según el so comisariu, Manuel Cirauqui. El director del muséu, Juan Ignacio Vidarte, comentó que l’amuesa constitúi un tributu a la capacidá del edificiu qu’alluga’l Muséu pa xenerar y amenar diálogos únicos ente los sos espacios y obres fundamentales de los sieglos XX y XXI”.

La esposición amuesa obres de Chillida realizaes en 1969, arriendes de la relación que caltuvo con Heidegger y les sos reflexones en redol a la producción d’un espaciu y el so desallugu, frutu de la cual l’artista guipuzcoanu convidó al filósofu alemán a escribir les sos teoríes sobre xunas planches de piedra que depués fueron utilizaes pa imprimir el llibru.