El Circu del Sol vuelve a España con ‘Totem’

Madrid va ser la primer parada de la nueva xira per España del Circu del Sol, que va estrenar na capital el 10 de noviembre’l so espectáculu ‘Totem’, col que conviden a viaxar a los oríxenes de la humanidá y a esquizar, por aciu acrobacies, lo que xune a los seres humanos y a otres especies.

La xira española de ‘Totem’ va pasar tamién por otres dos ciudaes, pero va ser en 2018 cuando llegue a Sevilla (25 de xineru) y a Barcelona (23 de marzu). Escritu y empobináu pol director y escenógrafu canadiense Robert Lepage, l’espectáculu, “de gran impactu visual y de un intensu coloríu”, recibió’l galardón Drama Desk a la Esperiencia Teatral Única.

L’elencu d’esta nueva obra circense ta formáu por 46 artistes, actores, músicos y cantantes, que “van intentar estelar” a el espectadores al traviés d’acrobacies, comedia, xiros teatrales y efectos especiales, elementos que caractericen a les producciones de la compañía.

L’oxetivu d’esti nuevu espectáculu ye faer parte al públicu d’un viaxe a la evolución humana, dende la so orixinal forma d’anfibiu hasta’l so deséu últimu de volar. Pa llogralo, los sos ceadores optaron tamién por incluyir detalles escenográficos y proyecciones que camuden en tiempu real al ritmu del movimientu de los artistes. Tamién s’integren en ‘Totem’ les fotografíes realizaes por Guy Laliberté, fundador del Circu del Sol, mientres el so ‘Poetic Social Mission’ a bordu de la Estación Espacial Internacional.

Dende’l so estrenu mundial en Montreal en 2010, más de 4,8 millones de persones vieron l’espectáculu, el segundu nel que collabora Lepage cola compañía fundada en 1984- dempués de ‘KÀ’, que se representa de forma permanente en Les Vegues, dende 2004.