La campaña “En bici a Uniovi” quier algamar vezos más saludables

La Universidá d’Uviéu y la Fundación Asturiana de la Enerxía (FAEN )presentaron esta selmana en Xixón la iniciativa “En bici a Uniovi” cola que quier animase a la comunidá universitaria pa qu’use la bicicleta como elementu de movilidá personal nos desplazamientos urbanos pa dir a la universidá.

La campaña, destinada a impulsar la movilidá sostenible, foi presentada esta selmana na Sala de Xuntes del Aulariu Sur del Campus de Xixón nun actu presidíu pola vicerrectora de Recursos Materiales y Tecnolóxicos, Marta María Hernando, y nel que tuvieron presentes el director de FAEN, Juan Carlos Aguilera, y Carlos Rodríguez, coordinador nacional del eventu “30 Díes en bici”.

La iniciativa “En bici a Uniovi” inclúi’l denomináu Retu Uniovi que se va desenvolver demientres el mes d’abril, coincidiendo cola celebración del eventu “30 Díes en bici”, por aciu el cual les persones que la deseyen van poder rexistrase na web https://www.enbiciauniovi.com/ y participar nun sortéu patrocináu por FAEN.

Cola campaña “En bici a Uniovi” quieren fomentase unos vezos más saludables, amás de contribuyir a faer más habitables y sostenibles les ciudaes