El Caleyón del Gatu actúa en La Pola

La compañía xixonesa El Caleyón del Gatu va poner n’escena en Siero “Cine María Cristina”, obra ganadora del Premiu Xovellanos a la Producción Escénica. La cita, va ser esti vienres 28 d’ochobre, a les 20 hores, nel Teatru Auditoriu de la Pola Siero.

Yá non queda nada. Yá nun queda naide. Yá nada ye igual. Nada ye como antes. Bonu, non tou. Nun antiguu cine abandonáu, cerráu vaiga usté a saber cuándo, los personaxes qu’un día mercaron la so entrada pa suañar con otros mundos proxectaos na pantalla, siguen aguantándose a les marees del tiempu.

Tampoco ta pantalla sobrevivió al olvidu. Y agora, nella, les úniques imaxes proxectaes son dellos restos d’aquellos besos, ilusiones y despidíes en blancu y negru.

El Cine María Cristina nun puede cerrar, non mientres tu sigas suañando la so hestoria, mientres tu suxetes con fuerza la to entrada na mano. Mientres eso siga asocediendo, el nuesu acomodador va date la bienveníu cola escasa lluz de la so llinterna, ayudar a atopar el to asientu. Y quiciabes, quién sabe, una mano próxima va buscar la tuya na escuridá, si l’escuru faise demasiao escuru. Puede ser. Bienveníos al Cine María Cristina”.