Cultura y la baronesa Thyssen dar hasta xunetu pa llegar a un alcuerdu sobre la colección

El Ministeriu d’Educación y Cultura y Carmen Thyssen alcordaron prorrogarde mientres tres meses más la negociación pa llegar a un alcuerdu sobre la colección d’obres de la baronesa, según informaron fontes ministeriales.

El Ministeriu d’Educación, Cultura y Deportes aseguró apocayá en 462 millones d’euros les 429 obres emprestaes a la Fundación Colección Thyssen Bornemisza per parte de la baronesa. Carmen Thyssen espresó la so voluntá de que les obres permanezan n’España, pero reclama al Ministeriu un nuevu contratu que garantice “accesibilidá y movilidá” de la so colección pa poder llevar a cabo esposiciones en tol mundu y dotala de mayor visibilidá. Coles mesmes, pide pa la so colección un marcu xurídicu equiparable al qu’ufierten les grandes pinacoteques internacionales. Les partes, que van disponer agora hasta’l 31 de xunetu p’axustar la negociación, yá alcordaren a primeros d’añu una prorroga que remata’l 30 d’abril.

Los cuadros de la Colección Carmen Thyssen-Bornemisza, emprestaos de manera gratuita al Muséu, complementen la colección permanente adquirida pol Estáu español en 1993. Cuando’l barón Hans Heinrich Thyssen-Bornemisza procedió a la repartida del restu de los sos cuadros y bienes ente los diversos miembros de la familia, el gruesu de les obres pasó a la propiedá de Carmen Cervera. Dichu conxuntu, integráu por obres de Canaletto, Fragonard, Courbet, Boudin, Monet, Sisley, Renoir, Degas, Gauguin, Rodin, Matisse, Picasso, Kirchner, conforma inda güei el núcleu central de la Colección Carmen Thyssen-Bornemisza.