La Xunta Xeneral amuesa’l refugu a los presupuestos del Estáu p’Asturies

La Xunta Xeneral del Principáu manifestó esti vienres pela mañana’l refugu a los presupuestos xenerales pa la comunidá autónoma, esixendo midíes p’amontalos y que se cree un órganu de siguimientu pa garantizar el nivel d’execución nos presupuestos.

La proposición non de llei presentada por IX y defendida por Gaspar Llamazares foi sofitada por PSOE y Podemos, amás de polos votos d’IX, y el refugu de PP, Foro y Ciudadanos. A xuiciu de Gaspar Llamazares la iniciativa trata de “daqué bien cenciello”, que la cámara pronuncie frente a unos presupuestos que representen una hachada pa les previsiones y les esperances de la comunidá autónoma y demande un presupuestu dignu”. Propunxo qu’Asturies siga la llínea de refuga yá espresada polos parlamentos de Baleares y Valencia, col votu tamién de los mesmos miembros del PP.

“Si ye un supuestu al nivel del estáu ye más grave nesta comunidá autónoma”, aseveró el voceru d’IX na Xunta Xeneral. N’Asturies el retayu ye cimeru al 30%, en materia d’inversiones, en Renfe, Feve o na Variante ye del 41%, en fondos mineros ye cimeru al 60% y nel Prerrománicu ye más del 80%. “Ye un presupuestu d’eficacia mínima”, sentenció.