Concursu de Cartelos sobro’l legáu de Mayu del 68 y el Feminismu

El Fórum de Política Feminista d’Asturies y la Selmana Negra convoquen esti Concursu de cartelos sol lema “El legáu de Mayu del 68 y el Feminismu, 50 años dempués que tien por oxetu premiar el meyor trabayo en cartelería pal espardimientu de les Xornaes Feministes que se van celebrar na seronda d’esti mesmu añu, en Xixón.

Les Xornaes pretenden ser un espaciu de reflexón avera del nuedu ente’l legáu del 68 y el feminismu. Diz Raphael Glucksmann : “Gústenos o non, toos somos fíos del 68. Y como tolos fíos, tenemos el derechu, inclusive’l deber, de cuestionar el legáu recibíu, d’escoyer lo que queremos faer con él, de decidir con qué quedamos y qué refugamos. Ensin xugar a ser guardianes de muséu. Nin cazadores de bruxes.”

BASES

1. PARTICIPANTES

Van Poder allegar toles persones comenenciudes, de forma individual o colectiva,pudiendo presentar un máximu de trés obres, orixinales ya inédites, que nun hayan sidopresentadas con anterioridá en nengún otru concursu.

2. CARACTERÍSTIQUES TÉCNIQUES

Les obres van ser de técnica llibre, siempres que sía fácil la so reproducción. Lasdimensiones nun van poder ser cimeros a 50×70 cm. Nestes midíes, va dexase espaciopara la inclusión de la lleenda y los logos.

3. PRESENTACIÓN

Toles propuestes van presentase en soporte ríxidu ensin cristal, ensin identificación espresa de l’autoría.Tolos trabayos tendrán de dir convenientemente envueltos retulando l’envoltoriu cola frase “CONCURSU DE CARTELES FEMINISMO Y LEGÁU DE MAYU DEL 68”. Na parte posterior de la obra va figurar un lema, títulu o seudónimu, axuntáu en sobre zarráu onde se va indicar y va incluyir:

1. Fotocopia del DNI; 2. Teléfonu;3.E-mail; 4. Dirección; 5. Esplicación técnica y/o interpretación de la obra; 6. Curtiu curriculum.

Les obres van unviase por corréu a l’atención de: Fórum de Política Feminista. CMI de L’Arena- Oficina Política d’Igualdá. Canga Arguelles, 16-18. 33202 Xixón.

4. PLAZU DE ADMISIÓNES

El plazu d’almisión de trabayos ye del 7 de xunetu al 7 de setiembre de 2018. Les entidaes organizadores van poner el máximu celu nel cuidu de les obres recibíes, pero tornen toa responsabilidá por tresmanamientos del corréu, daños, robos o cualesquier otru actu ayenu a la so voluntá mientres tean na so poder.

5. PREMIU

va concedese un únicu premiu de 500 euros, que va tar suxetu a la correspondiente retención del Impuestu sobro la Renta a les Persones Físiques, a tenor de la normativa vixente.

6. XURÁU

El fallu va realizar por un xuráu, non inferior a cinco componentes, designaos poles entidaes organizadores. va dar a conocer a finales de setiembre nel intre d’una rueda de prensa y va ser inapellable.

7. ESPOSICIÓN

Con toles obres presentaes y aceptaes al concursu va realizase xuna esposición pública coincidiendo col entamu de les xornaes convocaes pol Fórum de Política Feminista, mientres el mes d’ochobre, del presente añu.

8. CONDICIONES XENERALES

La obra premiada va quedar en propiedá del Fórum de Política Feminista. Les ensin premiar van poder ser recoyíes o reclamaes nel plazu de 15 díes a cuntar dende a otru día de la finalización de la mentada esposición. Quien nun retiren les obres en dichu plazu van perder el derechu de recuperación de les mesmes.

9. PUBLICIDÁ

Estes bases van poder ser consultaes nes páxines Web: del Fórum de Política Feminista, la Selmana Negra y l’Oficina de Polítiques del Igual del Conceyu de Xixón.Tamién se van anunciar nos medios de comunicación local.

10. NORMA FINAL

Participar nesti concursu implica la conocencia y aceptación de les presentes bases. Les organizaciones convocantes van quedar facultaes nel resolvimientu de duldes y tomalos alcuerdos necesarios pal bon desenvolvimientu del concursu.