Celébrase la edición nona del Mercáu Tradicional de La Pola L.lena

Esta fin de selmana La Pola (L.lena) celebra’l so mercáu tradicional entamáu pola asociación Puxando pol carru. El sábadu a les 11 la nueche va abrise’l mercáu tradicional y media hora más tarde un pasacais de la Banda de Gaites “Güestia”, va percorrer la zona. Alex Boada, reporteru de la TPA va dar el pregón, y yá pela tarde, van facese actividaes pa neños, teatru costumista y un alcuentru folclóricu de bandes de gaites. A les ocho y media entamen los concierrtos, con Tríu Santos, Varela y Caleya, Duerna y Spanta la Xente. El domingu van siguir les actividaes a les once la mañana y yá de nueche va actuar Chus Pedro.

Dende les 11 y hasta les dos van actuar los miembros del grupu de baille “La Flor de Xanzaina”. De tarde, van celebrase actividaes infantiles, un festival de canción asturiana y yá a les 11 la nueche, una actuación de Chus Pedro, ex miembru de Nuberu.